Қарағандыда ЦУМ-ға тағы да „бомба„ қойылды

56 просмотров

Жалған хабарлама берген 20 жастағы қарағандылық ертеңінде-ақ қолға түсті.

Қарағандыда „Орталық әмбебап дүкенге бомба қойылды„ деп жалған қоңырау түсірген азамат ұсталды деп хабарлады Қарағанды облысы ішкі істер департаментінің баспасөз хатшысы Бақытжан Құдияров.

10-қазанда Қарағанды Орталық әмбебап дүкеніне бомба қойылғандығы туралы мәлімет келіп түсті. Ғимараттан 600-ден аса адам эвакуацияланды.

„Бұл жайтқа қатысты 11-қазанда 20 жастағы қала тұрғыны ұсталды. Ол өзінің жалған ақпарат беріп, қоңырау шалғанын мойындады. Оның ұялы телефоны тәркіленіп алынды. Қазіргі уақытта ол уақытша ұстау изольяторына тоғытылды. тергеу амалдары жүріп жатыр„ — деді Құдияров.

Жалған лаңкеске кем дегенде 6 жыл бас бостандығынан айыру жазасы кесілмек. Орталық әмбебап дүкенге боманың қойылуы бірінші рет емес. Алдында тура осындай жағдай биыл шілде айында орын алған. Ол кезде де ғимараттан 500 адам сыртқа шығарылып, бомба табылмаған еді.

Ал бір жыл бұрын осындай қылмыспен физика пәнінің мұғалімі ұсталған болатын. Жақында Юрий Пакқа 2 жыл бас бостандығынан айыру жазасы кесілді.

Бәрінен бұрын Қарағандының Қазыбек аудандық сотында Пакқа қатысты үкім шығып жатқан кезде жалған хабарламаның келіп түсуі де кездейсоқтық болмаса керек.

Загрузка...