Қарағандыда келіншектің қолынан ұялы телефонын жұлып, алып қашқан ұрылар ұсталды

68 просмотров

Қарағандыда көшеде келе жатқан келіншектің қолынан ұялы телефонын жұлып алып қашқан ұрылар ұсталды.

28 жастағы Қарағанды тұрғыны қаладағы жол-патрулді полиция полкінің полиция қызметкерлерінің көмекке келіп, қарақшыларды қолға түсіргендері үшін алғысын білдірді, деп хабарлады облыстық ішкі істер департаментінің баспасөз қызметі.

Лариса Конькова жекеменшік секторда тұрады. Ол өз ауданында емін-еркін телефонмен сөйлесіп келе жатқанда, оған екі жігіт жабыла кетіп, қолындағы телефонын жұлып алып қашады. Қарсылық көрсету кезінде келіншек соққыға жығылады. Оның беті көгеріп, көзі ісіген.

Жақын маңдағы үйіне жүгіре жеткен Лариса Конькова полиция шақырады. Сөйтіп ол шұғыл жеткен полиция экипажына өзіне жабылған жігіттердің бет-әлпетін суреттеп, олардың Ақтас кенті бағытындағы өтпе жол жаққа қашып кеткендерін айтады. Іздестіру барысында полиция қызметкерлері күдіктілерді құрықтады, ұрланған телефон олардың жанында болып шықты.

Қазір бұл іске қатысты тергеу амалдары жүргізіліп жатыр.

Загрузка...