Қарағандыда ірі нан зауыты іске қосылады

27 просмотров

Қарағандыда еуропалық стандарттармен жұмыс жасайтын зауыт салынып жатыр.

Индустриализация бағдарламасы бойынша жүзеге асып жатқан жобаны «Сарыарқа Нан Қарағанды» ЖШС таныстырды.

«Құрылыс 2016 жылдың сәуірінде басталған. Зауытты 1 желтоқсанда іске қосуды көздеп отырмыз. Қарқынымыз жаман емес. Қазір әрлеу жұмыстары мен қондырғыларды монтаждау шаруасы аяқталып келеді. Жоба жеке қаражат және «Даму» кәсіпкерлікті дамыту қорының қолдауымен несие алу арқылы іске асып жатыр, — деді кәсіпорынның бас директоры Валентин Каракалюк.

Жоба жасаушылардың мәліметінше, зауыт қуаттылығы тәулігіне 80 тонна нан, тоқаш өнімі және 3 тонна кондитерлік өнім өндіреді.

«Нан пісіруге арналған жабдықтар Германия, Италия, Словения, Болгария, Словакия елдерінен жеткізілді. Қазақстанда мұндай зауыт жоқ. Менің пікірімше, бұл ТМД аумағындағы озық зауыттардың бірі болады», — деп атап өтті Валентин Каракалюк.

Загрузка...