Қарағанды облысында Құлса өзені арқылы өтетін көпір қалыпқа келтірілді
Қарағанды облысында 2015 жылы су тасқыны салдарынан бұзылған Құлса өзені арқылы өтетін көпір қалыпқа келтірілді.
Бұл туралы облыстық әкімдіктің баспасөз қызметі хабарлады.
«Қарағанды облысы әкімінің бірінші орынбасары Асылбек Дүйсебаев республикалық маңыздағы «Қарағанды-Аягөз-Бұғаз» тас жолындағы Құлса өзені арқылы өтетін көпірдегі жөндеу жұмыстарының сапасымен танысты. Ботақора кенті ауданында орналасқан көпір 2015 жылғы су тасқыны салдарынан бұзылған. Бүгінгі таңда ондағы жөндеу жұмыстары толық аяқталды», – делінген хабарламада.
Облыстық әкімдіктің ақпаратынша, көпірді қалыпқа келтіруге 190,4 миллион теңге жұмсалды. Жөндеу жұмыстарынан кейін оның өлшемдері ұлғайды. Жүк көтеру мүмкіндігі 80 тоннаға дейін артты. Көпір 6,8 метрден 18,2 метрге дейін ұзартылды.
Жөнделген көпірдегі қозғалыс қалыпқа келтірілді.
Облыстық әкімдіктің ақпаратынша, өңірде тағы 8 көпір салып және қалыпқа келтіру керек. Олардың 4-еуі 2016 жылы қалыпқа келтіріледі деп жоспарланған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз