Қарағанды облысында иісшіл иттің көмегімен 18 келіден астам «марихуана» тәркіленді

34 просмотров

Қарағанды облысында иісшіл ит көмегімен автобус жолаушыларының бірінің сөмкесінен 18 келіден астам «марихуана» есірткі заты тәркіленді.

Бұл туралы Қарағанды облысының ішкі істер департаментінің баспасөз қызметі хабарлады.

Биыл 3-тамызда «Көкнәр» жедел алдын-алу іс–шарасы барысында полиция қызметкерлерімен «Соқыр» шеп бекетінде Шу-Астана бағытындағы автобус тоқтатылды. Қарағанды облыстық ішкі істер департаменті кинологиялық қызмет орталығының «Зара» есімді иісшіл иттің көмегімен автобусқа жүргізілген тексеріс жұмыстары кезінде ішінде «марихуана» есірткі заты бар сөмке табылды.

Оқиға орнында жүктің иесі ұсталды. Ол 29-жастағы Теміртау қаласының тұрғыны болып шықты. Ол сөмкенің өзінікі екенін мойындады. Аталған факті бойынша ҚР Қылмыстық кодексінің 296-бабы 4-тармағы бойынша сотқа дейінгі тергеу амалы жүргізіліп жатыр. Ұсталған азамат уақытша ұстау изоляторына қамалды.

Жыл басынан бастап облыстық кинологиялық қызмет орталығының иісшіл иттерінің көмегімен заңсыз айналымнан 200 келіге жуық есірткі заттары тәркіленсе, соның ішінде 23 келісінен астамы — «героин» есірткі заты.

Загрузка...