Қарағанды облысында бір террорист өзін-өзі жарып жіберді

2 074 просмотров

Қарағанды облысында бір лаңкес өзін-өзі жарып жіберді. Бұл туралы ҚР Ұлттық қауіпсіздік комитетінің баспасөз қызметі хабарлайды.

«26-маусымда Қарағанды облысының Балқаш қаласында және Гүлшат елдімекенінде террористік актіні жүзеге асыруды жоспарлаған радикалды топ өкілдері құрықталды», делінеді ҚР Ұлттық қауіпсіздік комитетінің баспасөз қызметі таратқан хабарламада.

Сонымен қатар Гүлшат елдімекенінде лаңкестерді құрықтау опреациясы кезінде оның бірі өзін жарып жібергені айтылады. Ол алған ауыр жарақаты салдарынан сол арада көз жұмған.

«Одан басқа зардап шегіп, мерт болғандар жоқ. Лаңкестік топтың өзге өкілдері ұсталды. Олардан жарылғыш заттар, мылтық және өзге де дәлелді заттар тәркіленді. Бұл фактіге қатысты сотқа дейінгі тергеу амалдары басталды. Тергеу ісі әлі жалғасып жатыр» делінген баспасөз хабарламасында.

Загрузка...