Қарағанды облысының құс фабрикасындағы құстар қырылып қалды

18 просмотров

Қарағанды облысы «Құрма» құс фабрикасында 16 мыңнан астам құс қырылды.

Бұл туралы облыстық әкімдіктің баспасөз қызметі хабарлады.

«Абай ауданында «Орталық құс» ЖШС аумағында 800 мың құстың 16 283 басы қырылды. Құс фабрикасы директорының сөзіне қарағанда, тауықтар жаңа азық әкелінгеннен кейін қырыла бастады», — деді облыстық әкімдіктің баспасөз қызметінде.

Ветеринарлық дәрігерінің айтуынша, құстар уланған.

— Құстардың қырылғанын естіген соң Абай ауданының ветеринарлық мамандары оқиға орнына шығып, қан сынамалары мен патологиялық материалды алып, «Ветеринария бойынша ұлттық референт орталығы» РМК-на жеткізді. Зертханалық тексерістен кейін сальмонеллез қоздырушысы анықталды, — деген түсініктеме берді облыстық әкімдіктің баспасөз қызметіндегілер.

Сонымен қатар жоғары патогендік құс тұмауы мен Ньюкасл дертін қоздырушы табылмағаны айтылды.

Қырылған құстар ветеринарлық-санитарлық талаптарға сәйкес жойылды. Құс фабрикасы аумағында зарарсыздандыру жұмыстар жүргізіліп жатыр. Өнімді шығаруға тыйым салынды.

Загрузка...