10-маусымда 1 АҚШ долларының ресми бағамы тағы түскенімен, ақша айырбастау орындары, керісінше кешегі қойған құнды 4 теңгеге өсірді.
10-маусымдағы 1 АҚШ долларының ресми бағамы — 330,16 теңге. Ал кешегі ҚР Ұлттық банк белгілеген ресми құн 331,59 теңге болатын.
Жалпы, апта басынан бері ресми түрде бағасы құлдыраған америкалық валюта ақша айырбастау орындарында да түсіп келген. Бірақ бүгін бейресми баға, керісінше өсті.
ҚР Ұлттық банктің 10-маусымға бекіткен шетелдік валюталар бағамы мынадай: 1 еуро —375 теңге, ресей рублі — 5,15 теңге, 1 фунт стерлингі — 477,38 теңге, жапон йені— 3,10 теңге, 1 қытай юаньы — 50,34 теңге, 1 қырғыз сомы —4,85 теңге, 100 өзбек сумы— 11,26 теңге болды.
АҚШ долларына қатысты ресми бағам Қазақстан қор биржасындағы 9-маусымдағы таңғы және күндізгі сессия (негізгі) қорытындысы бойынша белгіленген. Сауда кезінде америкалық валютаның теңгеге қатысты ресми бағамы 330,16 теңге деңгейінде нақтыланды.