Қапшағайда шөп арасынан жаңа туған нәресте табылды

100 просмотров

Қапшағайда жаңа туған нәрестені шөптің ішіне лақтырып кеткен. 

Қапшағай қалалық білім беру бөлімінің хабарлауынша құқық қорғау органдары сәбиді қаладағы «Құрылысшы» саяжай кооперативінің маңынан тапқан. Бұл туралы жергілікті «Қапшағай бухтасы» порталы жазады.

Оқиға орнына келген дәрігерлер нәрестені Қапшағай қалалық ауруханасына жеткізіп, жедел түрде жансақтау бөліміне жатқызыпты.

Ал білім бөлімінің қызметкерлері қазіргі күні оның анасын іздестіру бойынша шаралар жүргізіп жатыр.

Қалалық аурухана бөлімінің хабарлағанындай «нәресте — азиялық түр-сипаттағы қыз бала, суықтап қалған, мерзіміне жетпей туған белгілері бар, жағдайы ауыр».

Бұл оқиға туралы немесе нәрестенің анасы жайлы мәліметі барлардан +7(72772) 4-71-04, 4-68-41 немесе 102 номеріне хабарласу сұралып отыр.

 

Загрузка...