Қанат Ислам Ганалық Патрик Аллотеймен өтетін жекпе-жекке дайын (видео)

388 просмотров

WBA Fedelatin и WBO Intercontinental алтын белдігінен үмітті екеу бүгін Алматы рингінде күш сынасады.

Қазақ ұлы Қанат Ислам мен Ганадан келген Патрик Аллотей жан алысып, жан беріспек. Кімнің шоқтығы биік деген сауалға дәл қазір жауап іздеу қисынсыз секілді. Екеуі де мықты спортшы. Мысалы, Қанат кәсіпқой рингте жиырма бір кездесу өткізіп, қарсыластарын түгел ұтты.

Патрик 34 жекпе жектің екеуінде ғана кемшін тартқан. Салмақ өлшеу рәсіміне қатысқан боксшылар алдағы бәсекеде аянып қалмайтындарын айтты.

Дұрыс қой, алтын белдіктен бас тарта ма. Қанат қана емес. Ертең Жанқош Тұраров пен Айдар Шәрібаев, Руслан Мырсатаев пен Жұман Жұмабеков те өз өнерлерін паш етеді.

Жәнібек Әлімханұлы да кәсіпқой рингтегі тырнақ алды бәсекесін өткізеді. Қарсыласы — беларус Владимир Иванов.

Жәнібек Әлімханұлы, Бокстан әлем чемпионы:

— Өзіміздің елімізде өтіп жатқаннан кейін жанкүйерлерге жарқын жеңіс сыйласақ па деген оймен дайындалып, бұйырса енді көреміз.

Загрузка...