2016 жылдың алғашқы жартысында Қазақстанға 17 мың 23 адам көшіп келді, оның 10 мың 620-сы – этникалық қазақтар деп хабарлады ішкі істер министрлігі (ІІМ).
Бұл туралы Азаттық жазады.
Министрлік дерегінше, осы уақыт аралығында Қазақстаннан шет елдерге 16 мың 700 адам қоныс аударған
Былтыр 25 мың 197 адамға Қазақстанда тұрақты тұру рұқсаты берілген, оның 9 мың 951-і – оралман. 2015 жылы Қазақстаннан көшіп кеткендердің саны 33 мың 468 адам болған.
Қазақстанға көшіп келушілердің дені Алматы және Маңғыстау облыстарына қоныстанған. Елге келгендердің көбі ТМД аумағынан қоныс аударған. Ал кетушілердің көбі Ресей мен Германияға аттанған.