Ағымдағы жылғы 25 мамырдағы есеп бойынша, қазақстандықтар жария ету мақсаттарына арналған шоттарға 859,1 млрд. теңгеден астам сома аударған, – деп хабарлады ҚР Ұлттық Банкінің баспасөз қызметі.
Салыстырмалы түрде, ағымдағы жылдың 1 мамырдағы қаржы реттеушінің деректері бойынша бұл сома 594,9 млрд. теңге болатын.
Ұлттық Банктің хабарлауынша, 2014 жылғы 1 қыркүйектен бастап, 2016 жылғы 25 мамыр аралығындағы жария ету науқанының барлық кезеңінде банктер 1209 банк шоттарын ашқан. Салынған ақша мен ашылған шоттардың саны бойынша бұрынғысынша Алматы, Астана қалалары мен Атырау, Қарағанды, Оңтүстік Қазақстан облыстары көш басында келеді.
Сонымен қоса, Қазақстанның Ұлттық Банкі ақшаны жария ету науқанын кеңінен тарату бойынша БАҚ-та және интернетте белсенді түсіндіру жұмысын жүргізуде.
Науқанға 31 банк пен Ұлттық почта операторы қатысатынын атап өтеміз. Аталған науқан туралы толық ақпарат ҚР Ұлттық Банкінің ресми порталындағы «Мүлікті жария ету» бөлімінде орналастырылған.