Алматының қонақ үйлерінің бірінен жезөкшелер ордасы әшкереленді

201 просмотров

«Айнабұлақ» ықшам ауданында орналасқан қонақ үйлердің бірінде пысық азаматтар арнайы притондар ұйымдастырып,  жезөкшелерді ұстаған.

Мұнда екі әйел мен екі ер адам интим-бизнестің көрігін қыздырып жүрген, деп хабарлайды Алматы қаласының ішкі істер департаментінің баспасөз қызметі.

— Кеше шамамен 22 сағат 30 минутта жедел-іздестіру іс-шарасын өткізу барысында біздің бөлімше қызметкерлерімен жоғарыда аталған қонақ үйінен 32 және 45-жастағы екі әйел, сондай-ақ 1985 және 1986 жылғы екі ер адам қолға түсті. Аталмыш қонақ үйден 10 жеңіл жүрісті қыздар ұсталды. Жедел-тергеу тобының процессуалдық әрекеті барысында күдіктілерден, болжам бойынша, қылмыстық сипаттағы 177 мың теңге ақша тәркіленді.

Фигуранттардың іс-әрекеті, заңнамаға сәйкес, ҚР Қылмыстық кодексінің 309-бабының 2-бөлімінің 1-тармағы, яғни «Жезөкшелікпен айналысуға арналған притондар ұйымдастыру немесе оларды ұстау және жеңгетайлық» бойынша қылмыстық іс қозғалды,- дейді Алматы қаласының ІІД Ұйымдасқан қылмысқа қарсы күрес басқармасының бастығы полиция полковнигі Ерлан Оралбеков.

Алматы ішкі істер департаментінің мәліметі бойынша, жыл басынан бері Алматы қаласында жезөкшелікпен айналысу үшін арнайы орын ұйымдастыру немесе ұстау және жеңгетайлық бойынша 22 факті, жезөкшелікпен айналысуға тартудың 14 фактісі, кәмелеттік жасқа толмағандарды жезөкшелікпен айналысуға тартудың 4 фактісі, адам саудасы бойынша 2-факті анықталды.

Загрузка...