Алматыда жуындыны кәріз құдығына төккен арнайы көліктің жүргізушісі ұсталды

28 просмотров

Алматыда септиктегі жуынды суды қалалық кәріз жүйесіне төккен ассенизаторлық автокөліктің жүргізушісі ұсталып, оған әкімшілік шара қолданылды.
Бұл туралы бүгін Алматы қалалық ішкі істер департаментінің баспасөз қызметі хабарлады.

Бұл оқиғаның куәгері бірден полиция бөліміне хабарлаған. Ол жүргізушінің жуынды-шайынды суды Сәтбаев пен Луганский көшелерінің қиылысындағы кәріз құдығына төгіп жатқанын көрген.

„Жүргізушінің аты-жөні белгілі болды. Ол — Алматы облысы, Қарасай ауданының 52 жастағы тұрғын. Ол өз кінәсін бірден мойындады. Тексере келгенде, оның өткен жылы да дәл осындай әрекеті үшін әкімшілік жауапқа тартылғандығы анықталды. Ол кезде оған ҚР Әкімшілік құқық бұзушылық кодексінің 505-бабының 1-ші тармағының нормалары қолданылды.

Ал бұл жолы оған ҚР Әкімшілік құқық бұзушылық кодексінің 505-бабының 2-ші тармағында қарастырылған құқықбұзушылықтар нышаны бойынша әкімшілік іс қолға алынды. Онда 30 айлық есептік көрсеткіш (1АЕК — 2121 теңге, яғни 63630 теңге көлемінде айыппұл салу көзделген„ делінеді Алматы қалалық ішкі істер департаментінің баспасөз қызметі таратқан хабарламада.

Загрузка...