Алматыда жетімдер үйінде зорланған балаға қатысты тың деректер жария болды

160 просмотров

Алматыда № 1 жетімдер үйінде 10 жастағы жеткіншекті зорлау ісі туралы сот алды тергеуде жаңа деректер және тағы да зорлық-зомбылыққа ұшырағандар жайлы анықталды.

Бұл туралы Алматы қаласының Бостандық аудандық №2 сотына сілтеме жасап, “Открытая Азия” порталы хабарлайды.

“Мен осы іс бойынша тергеу судьясымын. Тергеу кезінде мен балалар үйінің үш тәрбиеленушісінен жабық түрде жауап алдым (олардың бірі жәбірленуші, екеуі куәгер), олар зорлады деп айыпталып жатқан адамның тағы бір бала мен бір қызды зорлағанын мәлімдеп отыр. Жабық түрдегі жауап алу кезінде мен, психолог, прокурор, адвокаттар, педагогтар және жауап алынған адамдардың заңды өкілдері болды.

Бұл процессте жәбірленушіден және куәгерлерден бір рет қана жауап алынады, содан кейін олардан жауап алынбайды және сотқа өз сөздерін растау үшін қайта шақыртылмайды. Бұл кәмелет жасына толмағандардың психикасына әсер етпеу үшін жасалады”, – дейді Бостандық аудандық №2 сотының судьясы Олжас Күренбеков.

Судьяның айтуынша, сараптама балалар үйінің тағы екі тәрбиеленушісінің – бала мен қыздың зорланғанын растап берді. Олардан да жабық түрде жауап алынуы керек.

Еске салайық, Алматыдағы №1 балалар үйінде ақпан айында шу шыққан еді. Бұл кезде 13 жастағы бала (кейбір мәлімет бойынша ол 10 жаста) видеокамера алдында тұрып, өз тәрбиешісінен бірнеше рет сексуалдық зорлық көргенін мәлімдеген. Видео БАҚ-тарда жария болған.

Балалар үйінің басшылығы жеткіншектің сөзін қиялының жемісі деп атаған еді. Ал Білім басқармасындағылар қызметтік тексерістің жүргенін, оның қорытындысы бойынша сексуалдық зорлық деректерінің расталмағанын мәлімдеген болатын. Алайда 19 жастағы күдікті ұсталып, қамауға алынған. Кейін мекеме директоры жұмыстан босатылды. Тергеу жалғасып жатыр.

Загрузка...