Алматыда Қытай инвесторлары жиһаз шығаратын зауыт салады
Алматының Алатау ауданында жиһаз шығаратын зауыт салынады. Зауыттың құрылысына ҚХР-дің Чэнду қаласының Синьду өнеркәсіп ауданының инвесторлары 2 млн доллар құяды. Бұл туралы Қытай — Қазақстан сауда-саттық-экономикалық конференциясы кезінде Чэнду ауданының депутаты Ян Жилай мәлімдеді деп жазады ortcom.kz.
– Біздің жиһаз шығарумен айналысатын 40 шақты компания Алматымен баяғыдан әріптестік байланыс орнатқан. Біз Алатау ауданындағы сауда үйі құрылысына 1 млн теңге бөліп қойғанбыз. Соның арқасында қазақстандық сауда желісіне ресми шығуға мүмкіндік алып отырмыз. Осылайша, біз тек Алматымен шектелмей, басқа қалаларыңызбен де әріптестік орнатсақ па дейміз. Одан әрі Кеден одағы нарығын игермек те ойымыз бар, дейді Ян Жилай.
„Қытаймен әріптестік орнатуда біз екі бағытты көздейміз. Біріншісі — біз көршіміз, Жібек жолы аумағында орналасқанбыз, сондықтан біз бірлесе өз өнімдерімізді халықаралық нарыққа шығара аламыз. Екіншісі — Қытайдың туризм нарығы. Алматыда шамамен 4,5 млн қонақты қабылдай алатын 135 мейманхана бар. Қытай туристері біздің өңірге қызыға қарайды. Сондықтан 4,5 млн қонақтың тең жартысы Қытайдан болады деп үміттенеміз„ – дейді Алматы қаласының Туризм және сыртқы байланыс басқармасының жетекшісі Тимур Дүйсенғалиев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе