Алматыдағы Сайын-Райымбек қиылысында ұсталған қылмыстық топ жайлы деректер белгілі болды
Алматыдағы Сайын-Райымбек қиылысында ұсталған жігіттер тобы үй тонаушылар болып шықты.
Бұл туралы Tengrinews.kz тілшісі қалалық ІІД баспасөз қызметіне сілтеме жасап хабарлайды.
“10 қыркүйекте бес адам ұсталды. Олардың ҚР Қылмыстық кодексінің 188-бабы (Тонау) бойынша бес эпизодқа қатысы бар. Олар пәтерлер мен үйлерді тонап жүрген. Олардың барлығы Жамбыл, Оңтүстік Қазақстан және Шығыс Қазақстан облыстарынан келгендер. Олар кезекті үйді тонап шыққаннан кейін дереу ұсталды, олардан заттай айғақтар табылды”, – деп хабарлады Алматы қалалық ІІД өкілдері.
Айта кетейік, 10 қыркүйекте Алматыда полиция қызметкерлерінің бірнеше ер адамды ұстағаны жайлы хабарланған болатын. Оқиға куәгерлерінің айтуынша, полицейлер жігіттерді жол бойында ұстаған. Ұстау кезінде полицейлердің үш көлігі болған. Осы оқиғаға байланысты Райымбек даңғылының бойында автокөліктердің кептелісі болған. Сонымен қатар полиция қызметкерлері көлік қозғалысын тоқтатып, жолға бөгет қоймаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе