Алматыдағы Наурызбай және Бостандық аудандары су астында қалды

28 просмотров

Алматыда шелектеп құйған нөсер жауынның салдарынан 23 жер үй мен 69 аула аумағын су басты. 

Бұл туралы ҚР ІІМ Төтенше жағдайлар комитетінің ресми өкілі Руслан Иманқұлов мәлім етті, деп хабарлайды bnews.kz.

d8ab178531c1040fb844cc9dd2f45d67«Бүгін таңертең 23 жер үй мен 69 аула аумағын су басқаны анықталды. Осы және өзге де учаскелерде коммуналды қызмет,  ТЖД Өрт сөндіру және апатты-құтқару жұмыстары қызметі, Алматы әкімдігінің құтқару қызметі, «Қазселденқорғау» ММ жеке құрамының 219 адамы, 55 дана техника және 11 мотопомп тартылды», — деп мәлімдеді ТЖК ресми өкілі.

Сондай-ақ ол Алматыда апат салдарын жою жұмыстары жалғасып жатқанын атап өтті.

Бүгін таңда Наурызбай және Бостандық аудандарында шұғыл қызметтер 1350 қап төсеген.

«Қазгидромет» РМК-ның дабылды ескертуіне байланысты Алматы ТЖД халыққа қаладағы жағдай туралы СМС-хабарлама жіберді. Кешеден бері аудан тұрғындарынан үйлерінің аулаларын су шайғаны туралы ақпарат келіп түсуде.

Жұмылдырылған күштер мен құралдарды басқару және үйлестіру мақсатында Департаменттің жедел штабы құрылды. Су басқан аудандардың барлығына Департаменттің жедел топтары мен төтенше жағдай бөлімдерінің жауапты кезекшілері жіберілді.+

Қазселденқорғаудың  17 маусым күнгі сағат 15:00-дегі мәліметі бойынша, тау бөктеріндегі аймақта 42,5 мм жауын жауған.

Сурет авторы: Ирина Карпова

 

Загрузка...