Алматыдағы лаңкес үйінде көне тапанша сақтаған
2016 жылдың 18-шілдесінде Алматыда лаңкестік әрекет жасаған Руслан Күлекбаев бұған дейін XIX ғасырда жасалған револьверді сақтап келген.
Бұл туралы Қызылорда облыстық сотының баспасөз қызметі мәлімдеді деп хабарлайды ҚазАқпарат.
– Сотталушы Руслан Күлекбаев 2012 жылы 14 ақпанда Тараз қаласындағы темір жол вокзалы маңындағы саябақтан полиэтилен пакетін тауып алады. Оның ішінен 1895 жылғы үлгідегі Наган жүйесіндегі атыс қаруы –
жетіатар револьвер, оның оқсалғышынан калибрі – 5,6 мм 7 патрон және бір дыбыс бәсеңдеткіш табылған.
Руслан Күлекбаев оларды сақтау мақсатында иемденіп алады.
Сот сотталушы Күлекбаевты ҚР Қылмыстық кодексінің 60-шы бабы негізінде, Оңтүстік Қазақстан облысы, Шымкент қаласы, Еңбекші аудандық сотының үкімімен тағайындалған шартты соттау түріндегі жазаға жартылай қоса отырып, оны 3 жыл 6 ай мерзімге бас бостандығынан айырды.
ҚР Қылмыстық Кодексінің 13-ші бабының 1-ші тармағы бойынша қылмыстың қайталанғаны мойындалды. Сондықтан, сотталушының жазаны жалпы режімдегі колонияда өтейтіндігі тағайындалған болатын», – деді Қызылорда облыстық сотының судьясы Артур Нариманов брифинг барысында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе