Алматыдағы дауыл жол жиегіндегі ағаштарды құлатып, жүргіншілерге қауіп төндірді

43 просмотров

Алматыда дүйсенбі күні тұрған дауыл 24 ағашты құлатты. Ағаштардың 16-сы көлікке, ал сегізі жаяу жүргіншілер жүретін жолға құлаған.

Бұл туралы қалалық Төтенше жағдайлар департаментінің ресми өкілі Сандуғаш Баймұхамбетоваға сілтеме жасап, Қазақстан жаңалықтары хабарлайды.

Таңертең теракт болған Алматыда кешке қарай дауыл тұрды. Қатты дауыл талдарды құлатып, нөсер жауын мен бұршақ жауды.

«Соңғы тәулікте Алматы қалалық төтенше жағдайлар департаментінде ағаштың құлауы туралы 24 оқиға тіркелді: олардың 16-сы көлікке құлаған, ал сегізі жаяу жүргіншілер жүретін жолға құлаған», — деді Сандуғаш Баймұхамбетова.

Загрузка...