Алматыда террорға қарсы операциясы жарияланды
Бұл туралы ақпаратты Алматы қаласы ішкі істер департаментінің баспасөз қызметті таратты.
– 2016 жылғы 18-шілдеде Алматы қаласының аумағында лаңкестікке қарсы операция жүргізілетіні туралы жарияланды. Осыған байланысты барлығыңыздан үйлеріңізден шықпауды және адамдар көп жиналатын жерге бармауларыңызды өтінеміз. Барлық күдікті адамдар туралы ақпаратты кешіктірмей құқық қорғау органдарына хабарлаңыздар және құқық қорғау және арнайы органдар қызметкерлерінің іс-әрекетіне түсіністікпен қараңыздар.
Жедел ахуалдағы өзгерістер көпшілікке қосымша хабарланатын болады.
Материал шығарылуға дайындалып жатқанда, Алматыда лаңкестік қауіптің қызыл деңгейі енгізілгені белгілі болды.
Полицияның келтірген деректерге сүйенсек, көлік мінген белгісіз адамдар терезеден полиция қызметкерлеріне оқ жаудырған.
„Астана„ алаңы паркіне полиция, арнайы қызмет, Ұлттық қауіпсіздік қызмет қызметкерлері мен саперлер тартылған. Арнайы операция жүргізіліп жатыр. Абылай хан көшесінде көлік қозғалысы тоқтатылды, бағдаршамдар сөндірілген.
Кем дегенде екі полиция қызметкері көз жұмған. Бес адам зардап шеккен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе