Алматыда сот ғимаратынан қашып кеткен сотталушы ұсталды

20 просмотров

Алматы полициясы сот ғимаратынан қашып шыққан күдікті — 1991 жылы туған Д.Досмағамбетовты қолға түсірді.

Бұл туралы Алматы қалалық ішкі істер департаментінің баспасөз қызметі хабарлады.

«Алматы полициясы 1991 жылы туған Д.Досмағамбетовты ұстады. Ол ҚР Қылмыстық кодексінің 188-бабы, 2-ші тармағының 2-ші және 3-ші бөлімдерінде қарастырылған қылмыстарды (бөгденің мүлкін ұрлау) жасағаны үшін ұсталған болатын», — делінген хабарламада.

Бұған дейін хабарланғанындай, сотқа дейінгі тергеу кезеңіне қатысты бұлтартпау шарасын тағайындау бойынша сотқа жеткізілген күдікті сол жерден қашып кеткен болатын.

Айта кетелік, күдікті бұған дейін де осы тектес қылмыстары үшін қылмыстық жауапкершілікке тартылған.

Загрузка...