Алматыда барахолкадағы құрылыс базары өртенді

132 просмотров

Алматыда «Үшқоңыр» базарындағы құрылыс материалдары өртенді. Өрт шалған аумақ көлемі 400 шаршы метрді құрады.

Бұл туралы Алматы қалалық төтенше жағдайлар департаментінің ресми өкілі Сандуғаш Баймұхамбетова хабарлады.

— Бүгін таңғы сағат 08:02-де «101» кезекші бөліміне Алматы қаласы, Алатау ауданы, Солтүстік айналма жолындағы «Үш қоңыр» базарында құрылыс материалдарының жанып жатқаны туралы хабар келіп түсті. Өрт сөндірушілердің алғашқы тобы оқиға орнына 5 минуттан кейін, яғни 08 сағат 07 минутта келіп жетіп, өрттің болып жатқандығын растады.

Қат-қабат үйілген тақтайлардың жануы, жоғары температура және бір-біріне тығыз орналасқан қора-жайлар өртті тез сөндіруге кедергі келтірді. Соған қарамастан, өрт сөндірушілер тиісті шаралар қолданып, тілсіз жаудың басқа да құрылымдар мен контейнерлерге өтіп кетуіне жол бермеді.

Өрт 08 сағат 27 минутта ауыздықталып, 09 сағат 20 минутта сөндірілді. Өрттің аумағы 400 шаршы метрді құрады. Құрбан болғандар мен зардап шеккендер жоқ, — деді Сандуғаш Баймұхамбетова.

Загрузка...