Алматыда Алмалы ауданында Mercedes-Benz тізгіндеген мас күйдегі көлік жүргізушісі жол апатын жасады.
Бұл туралы today.kz хабарлайды.
Ол жеңіл көлігімен Қазақ-Британ техникалық университетінің баспалдақтарымен түспекші болыпты. Оқиға Абылай хан даңғылы мен Панфилов көшесі аралығындағы Қазыбек би көшесі бойындағы алаңда болған.
Жас жігіт белгісіз себептермен баспалдақпен көлігін айдап түсуге әрекет жасаған. Алайда бұл талпынысы сәтсіз аяқталып, нәтижесінде көлік те, ғимарат баспалдағы да қираған.
Жол-көлік оқиғасынан ешкім зардап шекпеді. Жүргізушіні медициналық тексерістен өтуге алып кеткен. Тәртіп сақшыларының айтуынша, ол алкогольді мас күйде болған.