Алматыда ірі жол апаты болды: полициядан қашқан Audi ГАЗель-дің быт-шытын шығарды

293 просмотров

Алматыда 7-шілдеде бірнеше көлік соқтығысты. Зардап шеккендердің нақты саны әлі нақтыланбай жатыр.

Көлік апаты Бекмаханов көшесінен төмен Сүйінбай даңғылында орын алды. Полициядағылар бұл апатқа қатысты ешқандай мәлімдеме жасаған жоқ. Дегенмен куәгерлердің айтуынша, полицияның патруль көлігінен қашқан Audi автокөлігі қатты жылдамдықпен жүйтіп келе жатқан. Ол 13-әскери қалашық жаққа бет алған.

Ал солтүстіктен бағыт алған ГАЗель көлігі бұрылмақ болып, қарама-қарсы беттегі көліктерді жіберіп, қозғала береді. Сол кезде қарама-қарсы бағыттан ағып келе жатқан Audi көлігі ГАЗелді айналып өтпек болғанмен, онысынан түк шықпай, оған бар күшімен келіп соқтығысқан.

Қатты соққыдан ГАЗель көлігі ортасынан қақ бөлініп, қос машина кері ұшқанда жол жиегінде тұрған Volkswagen мен Toyota көліктерін іліп кетеді.

Кейбір мәліметтер бойынша, бұл жол көлік апаты оқиғасынан 6 адам зардап шеккен. Нақты зардап шегушілер туралы мәлімет айтылмай жатыр. Әлеуметтік желідегі куәгерлердің айтуынша, зардап шеккендердің ішінде аяғы ауыр келіншек те бар көрінеді.

 

Загрузка...