Алматыда интернет арқылы есірткі сатқан қылмыстық топ ұсталды

40 просмотров

Алматыда полиция қызметкерлері интернет желісі арқылы есірткі сатқан 8 адамнан құралған қылмыстық топты әшкереледі. Тінту барысында олардан 20 келіден астам есірткі, оның ішінде 18 кг гашиш және синтетикалық есірткіге ұқсас қызыл ұнтақ табылған.

Бұл туралы ҚР ІІМ-де өткен арнайы брифингте Есірткі бизнесіне қарсы күрес департаментінің бастығы, полиция генерал-майоры Сұлтан Құсетов мәлімдеді деп xабарлады деп жазды Baq.kz. 

«Соңғы кездері есірткі бизнесін ұйымдастырушылар республика аумағында интернет желісінің көмегімен есірткі сатуды қолға алған. Таяуда Алматы қаласының Ішкі істер департаменті ұзақ жүргізген жедел іс-шаралардың нәтижесінде 20-25 жас аралығындағы 8 адамнан құралған қылмыстық топты ұстады. Олардың 4-еуі Швейцария, Ресей және Қазақстанның белгілі жоғарғы оқу орындарының студенттері», — дейді департамент басшысы.

Сонымен қатар, Сұлтан Құсетов қылмыстық топтың қалай жұмыс істегендігін айтты.

«Қылмыстық топтың жетекшісі, өзіне сенімді деген адамдармен байланыс орнатқан. Олар есірткіге тапсырыс беретін ұялы телефонын беріп отырған. Клиенттер тапсырыс берген соң, «Qiwi-кошелек» электронды жүйесі арқылы тапсырыс үшін ақша төлейді. Содан кейін оларға ұялы телефон арқылы есірткіні қай жерден алуға болатындығы xабарланған», — дейді ол.

Есірткі бизнесіне қарсы күрес департаментінің басшысы тәркіленген есірткіден қылмыстық топтың қанша пайда таба алатынын айтты.

«Тінту барысында олардан 20 келіден астам есірткі, оның ішінде 18 кг гашиш және синтетикалық есірткіге ұқсас қызыл ұнтақ табылды. 18 кг гашиш бұл – 3600 доза, бағасы 21 млн теңге. 2 кг мариxуанна бағасы – 350 мың теңге. Тәркіленген есірткі бойынша сот-xимиялық сараптама тағайындалды», — дейді С.Құсетов.

Айта кетейік, қазіргі уақытта ұсталған қылмыстық топтың есірткі өткізуге қатысты тағы 10 дерекке қатысы бары анықталған.

Жыл басынан бастап полиция қызметкерлері елімізде есірткі сататын 327 сайтты анықтаған. Олардың 248-і соттың шешімімен жабылса, қалған 79 сайт соттың қарауында жатыр.

narkotiki_klaviatura_gazeta-ru-_600

Загрузка...