Алматыда донер дүңгіршегі өртке оранып, 35 адам эвакуацияланды

19 просмотров

Алматыда екі қабатты үйге жалғанып салынған донер дүңгіршегінен өрт шығып, 35 адам эвакуацияланды, оның ішінде 2 бала бар. 

Бұл туралы қаланың ТЖД ресми өкілі Сандуғаш Баймұхамбетова мәлімдеді.

«11.08.16 ж. Алматы қ. ТЖД «101» пультіне Алмалы ауданы Төле би көшесі, 64-үйдегі дәмханада жалын тұтанғаны туралы хабарлама келіп түсті. Өрт сөндірушілер оқиға орнына 6 минутта сағат 00.50-де жетті», — деді Сандуғаш Баймұхамбетова.

«Master Doner»  дәмханасының ас үйінде төбе жамылғысы өртенгені анықталды. Тілсіз жау сағат 01.00-де оқшауланып, 01.10-да ауыздықталды. 35 адам қауіпсіз жерге шығарылды. Өрт алаңы 8 шаршы метрді құрады, құрбандар мен зардап шеккендер жоқ.

Загрузка...