Алматыдағы қоқыс арасынан табылған денесі бөлшектенген ер адамның өлімі себебін анықтау үшін екі апта уақыт керек. Бұл туралы сот медицинасы орталығының Алматыдағы филиал директорының орынбасары Тахир Халимназаров мәлім етті.
«Өлім себебі әлі анықталып жатыр, екі апта ішінде жауап береміз, зертханалар жұмыс істеуде», – деді Тахир Халимназаров.
Айта кетейік, Алматыдағы қоқыс контейнерінен ер адамның бөлшектенген дене мүшелері табылды. Үй-күйсіз адам Райымбек және Абылай хан даңғылдарының қиылыстарындағы қоқыс жәшіктерінің бірінен адамның басы және аяқ-қолдарын тауып алған. Сонымен бірге, ер адамды өлтірген күдікті де анықталды.