Алматыда бір жағына қисайған, апатты жағдайдағы тұрғын үй сүрілмейтін болды

51 просмотров

Алматыдағы «Алғабас-6» ықшамауданында орналасқан апатты үй алдағы уақытта бұзылмауы мүмкін. Осы нысанды тұрғызған құрылыс компаниясы оны коммерциялық мақсатта пайдаланатын сыңайы бар. Ал баспанасыз қалған пәтер иелері болса, жаңа үйдің салынуын күтеді.

Бұл туралы 24.kz хабарлайды.

Өткен апта соңында дәл сол маңайдан көпқабатты жаңа үйдің құрылысы басталды. Үйдің іргетасын құятын қазандық қазылды. Тереңдігі – төрт метр. Қазу жұмыстары 7-маусымда басталды. Құрылыс компаниясының өкілдері жұмыс сапалы болады деп сендіреді.

Мейіржан Досанов, құрылыс алаңының басшысы:

— 1 желтоқсанға дейін құрылысты толық бітіреміз. Бірақ адамдар 16-желтоқсанда кіргізіледі. Бәрін көресіздер. Егер кем-кетіктері болса, сол жерде жасаймыз бәрін. Ал апатты деп танылған 9-қабатты үй бұзылмайды. Оған қайта жөндеу жұмыстары жүргізілмек.

Бағдат Мәнізоров, Алматы қаласы Алатау ауданының әкімі:

— Бұрынғы апатты жағдайдағы ескі үйді жөндеуден өткізіп, өздері сата ма, көреді. Ал қаламен келісімшартқа отырды, қала тұрғындары, құрылыс компаниясы – үшжақты келісім бар.

Загрузка...