Алматыда бір тәулікте жеті жерде топырақ опырылды

17 просмотров

Мамырдың 18-і күні Алматы қаласында топырақтың опырылуына байланысты жеті оқиға тіркелді, ал Алматы облысында мұндай бір оқиға тіркелді. Ешкім зардап шеккен жоқ, деп хабарлады Төтенше жағдайлар комитетінің ресми өкілі Руслан Иманқұлов.

IMG-20160518-WA0026-e1463590576283-300x300Жаңбырлы күні топырақтың опырылуы салдарымен күресуге арнайы қызметтердің жүзге жуық қызметкері тартылды.

Үлкен Алматы өзеніне баратын жолдың астында көлемі 350 текше метрге дейін жететін топырақ опырылып кетті. Ешкім зардап шеккен жоқ, арнайы қызметтер жолды жауып тастады.

Бір оқиға жекеменшік жер үйдің ауласында тіркелді. 20 текше метр топырақ қоршауды құлатқан.

Ал Алматы облысында 18 мамыр күні Ұзын-Қарғалы плотинасына апарар жолда лай аралас 200 текше метр топырақ опырылды. Қазір ол жол да жабық тұр.

Загрузка...