Алматыда ақша үшін атасы мен әжесін өлтірген Әнуар Мәмбетбақиевке қатысты үкім шықты.
Бұл туралы қалалық сот баспасөз қызметіне сілтеме жасап, ҚазАқпарат хабарлады.
«Алматы қылмыстық іс жөніндегі мамандандырылған ауданаралық сотының 2016 жылғы 19-шілдедегі үкімімен ол 192-баптың 4-тармағы 2-бөлімі және 99-баптың 1,8-тармақтары 5-бөлімі бойынша ол қатаң режімдегі колонияда жазасын өтей отырып, 20 жылға бас бостандығынан айыру түріндегі жазаға тартылды», – деді сотта.
Еске салсақ, оқиға Медеу ауданында 14 сәуірде сағат таңғы 05.30-да орын алды. 1990 жылы туған ер адам атасы мен әжесіне тиесілі дүкенге қарақшылық шабуыл жасаған. 77 жастағы ер адам немересін тоқтатпаққа тырысады, ол атасына балта ала жүгіреді. Егде ер адам алынған жарақаттан оқиға орнында көз жұмды.
Ер адам балтамен 1941 жылы туылған әжесіне қарсы жүгірді. Оған да ауыр жарақат салды. 75 жастағы әйел бірнеше күннен кейін қаза тапты. Ғимаратта туысқан інісі де болған, алайда шабуылдаушы оған тиіспеген.
Шабуыл барысында ер адам 300 мың теңге, алты алтын бұйым ұрлаған. Шығын 900 мың теңгені құрады.