Алматыда қарулы шабуылдан зардап шеккендерге қалалық жедел шұғыл көмек көрсету ауруханасында медициналық көмек көрсетіліп жатыр.
Бұл туралы ҚазАқпарат хабарлайды.
Келушілердің арасынан журналистер құқық қорғау органдарының өкілдерімен қатар, ҚР Парламенті Мәжілісінің депутаты Зәуреш Аманжолованы да байқады.
Кейбір деректер бойынша, қазіргі сәтте ауруханада бір мезетте бес операция үстелінде ота жасалып жатыр. Аурухана басшылығы жиналған журналистерге ота жасалып болған соң ғана толыққанды түсініктеме беруге уәде берді.
Ал, бұл уақыт аралығында аурухана алдында бауырын жоғалтып, жылағандар болды. «Бауырымдап» жылағандардың көз жасы сай- сүйегіңді сырқыратады. Медбикелер оларды жұбатып, тиісті көмек көрсетіп жатыр.