Алматы әуежайынан Зайчиков пен Улановты жанкүйерлері салтанатпен қарсы алды (Фото)

171 просмотров

Бүгін түнгі сағат 1:30-да Алматы әуежайында «Амстердам-Алматы» рейсімен келген Риодағы Олимпиада ойындарының қола жүлдегері Александр Зайчиков пен төртінші орынға табан тіреген ауыр атлет Денис Улановты жұртшылық салтанатпен қарсы алды.

Спортшыларды в VIP-терминалда олардың туыстары, Қызылорда облысынан келген жерлестері, БАҚ өкілдері күтіп алды.

«Мен үшін жанкүйер болған барлығыңызға алғыс айтамын. Бұл — Қазақстанның жеңісі. Менің еңбегім — осы медаль. Бұдан кейін де болады. Алға, Қазақстан!», — деді ауыр атлет Александр Зайчиков.

23 жастағы Александр Қызылорда облысының тумасы. Ол кішкентай кезінен қазақ тілін жетік біледі.  Ол Қызылордадағы дарынды балаларға арналған қазақ мектеп-интернатын тәмамдаған.

Ал Денис Уланов Шығыс Қазақстан облысы Зырян ауылында дүниеге келген. Әкесінен ерте айырылған Денис ер адамдардың көңіліне зәру еді. Сондықтан ол кішкентай кезінен спортқа бет бұрды. Жас баланы спортқа баулыған алғашқы ұстаз Иван Михайлович Строкатов болды.

— Ол кісі менің әкемдей боп кеткен, — дейді спортшы. Денис 12 жасында жасөспірімдер арасындағы Қазақстан чемпионы болады.

20160818080802

Загрузка...