Алматы әуежайында төтенше жағдай орын алды. Тексеру кезінде сасқалақтаған қаскөй банктегі сынапты қоқыс жәшігіне төгіп жіберіпті.
Алматы әуежайындағы төтенше жағдай туралы блогер Денис Кривошеев Facebook-тегі жеке парақшасында жазды.
„Шұғыл ақпарат. Әуежайда төтенше жағдай. Барлық ғимараттан адамдар эвакуацияланды. Қауіпсіздік қызметі „Алматы-Тбилиси„ рейсіне сынап алып өтпек болған адамды анықтап, оның жолын кескені ғана белгілі. Қаскөй өзінің қылмысын жасыру үшін сынапты шелекке құйған„ деп жазды Кривошеев.
Ер адам ұсталып, қазір сұралып жатыр. Оның іс-әрекеті барлық бағытқа ұшатын ұшақтарды іркіп қойды. Төтенше оқиға орнына қауіпсіздік және төтенше қызметкерлері аттанып жатыр, олар төгілген сынапты жинап алатын болады.