Алматы облысында жоғалып кеткен жігітті іздестіруге тікұшақ жұмылдырылды

30 просмотров

Алматы облысында мал іздеймін деп, тауда жоғалып кеткен 19 жастағы жігітті іздестіру жұмысына тікұшақ жұмылдырылды.

Бұл туралы Алматы облысы төтенше жағдайлар департаментінің баспасөз хатшысы Азамат Жұртбаев мәлім етті.

Биыл 3-тамызда Алматы облысының Ақсу ауданында із-түссіз жоғалып кеткен Сыртан ауылдық округіне қарасты Қопа ауылының тұрғыны іздестіріліп жатыр.

Іздеу жұмысына облыстық төтенше жағдайлар департаменті өрт сөндіру және апатты-құтқару жұмыстары қызметінің, шұғыл құтқару отрядының, жергілікті атқарушы органның, аудандық ішкі істер департаментінің және Медициналық апат орталығының Талдықорған қаласындағы филиалының 57 адамы жұмылдырылған.

1997 жылғы жас жігіт 1-тамызда таңертең 8-де жоғалған малын іздеу үшін шығып кетіп, сол күйі үйіне оралмаған.

4-тамыздан бастап жоғалған жігітті іздеуге ҚР ІІМ Төтенше жағдайлар жөніндегі комитетке қарасты „Қазәуеқұтқару„ АҚ-тың «Eurocopter ЕС 145» тікұшағы да жұмылдырылды.

Загрузка...