Алматы облысында жантүршігерлік жол апаты болды.
Бұл туралы СТВ арнасының “Территория происшествий” бағдарламасының сілтеме жасаған kaz.tengrinews.kz хабарлайды.
Жол-көлік оқиғасы Алматы – Астана тас жолының 32-ші шақырымында болған. Алдын ала мәлімет бойынша, Mitsubishi Galant жүргізушісі Шамалған станциясына қарай жүріп келе жатып, белгісіз себептермен қарсы бағыттағы жолға шығып кеткен. Сөйтіп, қарсы бағытта келе жатқан Toyota Corolla көлігімен бетпе-бет соқтығысқан. Соққыдан алты адам алған жарақаттарынан оқиға орнында мерт болды, бір бала ауыр жағдайда ауруханаға жеткізілді. Оқиғаның мән-жайын Алматы облыстық полиция анықтап жатыр.