Лауазымды тұлғалар „Достық„ стансасы территориясында жұмыс істейтін бір логистикалық фирмаға „крыша„ болып, қылмысты ұйымдастырған.
„Алматы облысында ҚР Ішкі істер министрлігі көліктегі ішкі істер департаментінің подполковнигі, Достық стансасындағы полиция бөлімшесінің бастығы Т.Құйқабаев пен оның орынбасары Д.Мәдібаев пара алып жатқан жерінен ұсталды. Лауазымды тұлғалар „Достық„ стансасы территориясында жұмыс істейтін логистикалық фирмаға қамқоршы, яғни „крыша„ тауып беріп, қылмысты ұйымдастырған„ деп хабарлады ҚР Сыбайлас жемқорлықпен күрес жөніндегі ұлттық бюроның облыстағы департаментінің баспасөз қызметі.
Қазіргі уақытта Т.Құйқабаев пен Д. Мәдібаев Сарқанд аудандық ішкі істер бөлімінің уақытша ұстау изольяторына тоғытылды.
Сотқа дейінгі тергеу істері жүріп жатыр.