Алматы облысында толассыз жауған жаңбыр салдарынан бірнеше ауылды су басты. Оның ішінде Шамалған, Қарасу, Дружба ауылдары бар. Бұл туралы өңірлік Төтенше жағдайлар жөніндегі департаментінің ресми өкілі Азамат Жұртбаев мәлім етті.
Іле ауданына қарасты „Дружба„ бау-бақша қауымдастығында 4 ауланы су басқан. Қазір мұнда да жағдай реттелген.
Түнде Қарасу ауылында 40 ауланың су басқаны белгілі болды. Оған жергілікті атқарушы билік 10 адам, 2 техника, сол секілді төтенше жағдайлар мекемесінен 12 адам, тағы 2 техника жұмылдырған.
Алдында ауа-райының қолайсыздығынан Шамалған тұрғындары көшеге шыға алмай отырғандарын айтып, шағымданған еді.