Алматы облысында бір көліктен қару, граната және есірткі тәркіленді

50 просмотров

Көлік ішінде 27 мен 36 жас аралығында 4 жігіт отырған.

Алматы облысы ішкі істер департаментінің баспасөз қызметі берген ақпаратқа сәйкес, 27-36 жас аралығындағы 4 ер адам ұсталған. Оның екеуі қамауға алынды, екеуі елден сыртқа шықпау туралы қолхатпен босатылды.

Күдіктілерді 12-тамызда облыстық ішкі істер департаментіне қарасты ұйымдасқан қылмыспен күрес бөлімшелерінің Алматы облысы Алакөл ауданы Үшарал қаласында жүзеге асырған жедел шара барысында ұстады.

„Ұсталғандар «Тойота-Ленд-Крузер» джипімен келе жатқан. Тексеру кезінде олардан героин, гашиш, екі травматикалық тапанша, граната, оқ-дәрілер тәркіленді. Есірткі мөлшері: 5 грамм героин және 15 грамм гашиш„ — деп хабарлады облыстық ішкі істер департаментінің Ұйымдасқан қылмыспен күрес бөлімшесі бастығының орынбасары Айдос Күзембаев.

Полиция күдіктілердің екеуі бұдан бұрын бірнеше рет есірткіге, қаруға байланысты түрлі қылмыстар жасағаны үшін қылмыстық жауапкершілікке тартылғанын атап өткен.

Загрузка...