Алматы облысында белгілі кәсіпкер өз үйінен өлі табылды
Алматы облысының Абай ауылында белгілі кәсіпкер Мұрат Альпман өз үйінен өлі күйі табылды, – деп хабарлайды Алматы облыстық Ішкі істер департаментінің баспасөз қызметі.
50-жастағы Мұрат Альпман „Lotto„ фирмасы бас директорының орынбасары болған. Кәсіпкер – Түркия азаматы, бірақ соңғы 15 жыл бойына ол Қазақстанда тұрып келген.
Алдын ала келтірілген деректер бойынша, Мұрат Альпман асфиксиядан, яғни, тұншығудан қайтыс болған.
Полицияның ақпараты бойынша, марқұмның денесінде күш қолдану белгілері байқалған.
„Аталған факті бойынша сотқа дейінгі тергеу жұмыстары жүргізіліп, ҚР Қылмыстық кодексінің 99-бабы – “Кісі өлтіру” дерегі бойынша іс қозғалды. Орын алған оқиғаның жәй-жапсарын анықтау мақсатында құрылған арнайы жедел-тергеу тобы сотқа дейінгі тергеу аясында қажетті шарларды жүргізіп жатыр”, – делінеді баспасөз қызметі таратқан хабарламада.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе