Алматы қаласындағы екі ауданға жаңа әкімдер тағайындалды

38 просмотров

Алматыда Наурызбай және Медеу аудандарының әкімдері жаңадан тағайындалды. Бұл туралы Алматы қаласы әкімдігінің баспасөз қызметі хабарлайды.

Алматы қалысының әкімі Бауыржан Байбектің айтуынша, бұл екі аудан —  өте ауқымды әрі экономикалық маңызды нысандары да бар, күрделі аймақ.

— Біз Ұлттық комиссияда әкімнің орнына көп үміткерді қарастырдық, ақыры Медеу ауданына Ержан Жылқыбаев ұсынылды, оның экономикада үлкен тәжірибесі бар, — деді Бауыржан Байбек.

Наурызбай ауданының әкімі Қуанышбек Қашқымбаевтың орнын Сайран Сайфеденов басты.

Ержан Жылқыбаев 1982 жылғы 17-желтоқсанда Оңтүстік Қазақстан облысы, Төле би ауданының Ленгер қаласында дүниеге келген. Мамандығы — экономист.

Еңбек жолын 2003 жылы Оңтүстік Қазақстан облысының Экономика департаментінде бас маман болып бастаған. 2007-2009 жылдары ҚР Еңбек және халықты әлеуметтік қорғау министрінің көмекшісі болды. Ал 2012 жылғы 30-қаңтарда Шығыс Қазақстан облысы әкімдігі аппаратының басшысы болып тағайындалды.

Сайран Сайфеденов 1974 жылы БҚО-да дүниеге келген. 2006 жылдан бастап Алмалы ауданындағы ұйымдастыру және кадрлық басқармасында бас маман болып жұмыс істейді.

2008 жылдың тамызынан Алматы әкімі аппаратының ұйымдастыру және кадрлық басқармасында бас маман қызметін атқарды. 2009 жылдың маусымынан бері Әуезов ауданы әкімінің орынбасары болып қызмет етті.

Загрузка...