Алла Пугачева ешқандай гримсіз суретін әлеуметтік желіге жүктеді

132 просмотров

Ресей сахнасының примадоннасы Алла Пугачева соңғы кездері өз жасын жасырып әлектенбейтін болған. Соңғы Сочидегі сапарында да ол бет-әлпетін әрлемей, көшеге шыққан. Ол сурет баспасөздерде жарияланып, ел бір жағасын ұстап еді.

Бірақ ел масқара дегенмен, Пугачева өзінің қарапайым қалпын еш ұят санамайды. Сондықтан жуырда Инстаграмдағы жеке парақшасына 67 жастағы ресейлік атақты әнші тағы да ешқандай гримсіз суретін жүктеді.

Әншінің жасын жасырмай түскен суретіне жағымсыз пікір қалдырғандарға қарағанда, оның ашықтығы мен шыншылдығына риза болғандар қатары көп болды.

«Осындай ашық әрі еш бояусыз суретініңізді жүктегеніңізге, рақмет. Өзіңіздің туысқаныңыз секілді сезініп қалады екенсің, Мен осы суретіңізге қарап қызыңыз Кристинаның сізге қатты ұқсайтынын түсіндім. Бояумен сахнада шыққаныңызда мұны байқау қиын», деген сынды пікірлер көп жазылған.

Загрузка...