Алимент берешегінен жалтарып жүрген азаматтар екі жылға дейін бас бостандығынан айырылуы мүмкін.
Астана қалалық прокуратурасында осы тақырыпты қаузаған арнайы жиын өтті деп хабарлады 24.kz.
Жалпы елордада 19 мың азамат алимент төлеуге міндеттелген. Алайда оның 2 мыңы жұмыссыздығына байланысты ана мен бала алдындағы борышын өтемей келеді. Сондықтан қалалық прокуратура арнайы жобаны қолға алды.
Қазір Астанада 7 мың жасөспірім алдында 400 млн теңге көлемінде қарыз бар.
Серік Нұрмаханов, Астана қаласы прокуратурасының 4-басқарма проркуроры:
– Алимент берешегін азайту жобасы талқыланды. Бұл жобаның негізгі басты мақсаты – алимент берешегін төлемей жүрген борышкерлерді жұмыспен қамтамасыз ету. Сол арқылы алимент ала алмай жүрген жас өспірімдерге ақшасын жеткізу болып табылады.