Алдағы 2 жылда тағы 70 елді мекенге газ тартылады

29 просмотров

Республикада 2015 жылы 45,3 млрд текше метр газ алынды, деп хабарлады ҚР энергетика министрі Қанат Бозымбаев халықпен есептік кездесуі барысында.

«Газ саласына тоқталсам, 2015 жылы бұл сала дамуға бет алды. 45,3 млрд текше метр газ алынды. Осы жылдың төрт айында өндірілген газ көлемі 15,5 млрд текше метрді құрап, ағымдағы жоспардан 5пайызға асып түсті», — деді Қ.Бозымбаев.

Оның айтуынша, елімізді газдандыру — басты стратегиялық бағыт. Жалпы, оның айтуынша, былтырғы көрсеткішке сәйкес, Қазақстанның 43 пайызы газбен қамтылған.

«2016-2018 жылдары Батыс Қазақстан, Қостанай, Алматы, Қызылорда, Жамбыл облыстарында 70 елді мекен газбен қамтылады. 2016-2020 жылдар аралығында елді газдандыру үшін «ҚазТрансГаз» ұлттық операторы есебінен қосымша қаржы аламыз. Осылайша, Ақтөбе, Маңғыстау, Қызылорда, Оңтүстік Қазақстан облыстарындағы 14 ірі елді мекенді газбен қамти аламыз. Индустриялық-инновациялық даму бағдарламасының аясында «Бейнеу-Бозой-Шымкент» газ құбырының бір желісі іске қосылған. Жоба толық қуаттылыққа көшке соң, еліміздің оңтүстігіндегі алты жүзге жуық елді мекен газбен қамтылады. Сонымен қатар, Қытайға газ экспорттай аламыз», — деп хабарлады министр.

Загрузка...