Шекарадағы ауылдардың сиқы адам шошырлық. Мына суреттегі — Ақтөбе облысы Қобда ауданының Жарық ауылдық округіне қарасты Ортақ деп аталатын шағын ауылы. Ойда тұрған ауылдың қырынан бір қыдыру асқанда Ресейдің Ақбұлақ ауданы көрінеді.
Ел етегін жапқан түзу уақыттарда бұл ауыл әбден құлдырап, мектебі жабылды. Жұртта қалған 5-6 үй қазір малмен ғана күнін көріп отыр. Ауылға апаратын жалғыз сүрлеуді көктемде су шайып кетеді. Ондайда орталықпен қатынас үзіледі.
Опырылып түскен ойдағы Ортақ сияқты ауылдар көрген көршілерге Қазақ елі туралы нендей ой салады екен?..
Ел ауызында «управтың үйі» аталған үй. Мұнда кеңес өкіметі кезінде осы ауылдың шаруашылығын басқаруға келген басқармалар тұрған.