Сәкен Майғазиев Медеу ауданында өткен қайырымдылық шараға атсалысқан екен.
Осы жаңалығын әнші өзінің Инстаграм парақшасына бөлісіпті. Сәкен балалар үйіне тегін концерт қойып беріпті.
Тегін концерт “Мерейлі-Медеу” атты қайырымдылық акциясы аясында “Үміт үйінде” өткен екен. Акцияның басты мақсаты – ауданда орналасқан арнайы балалар үйінің сәбилеріне ұдайы түрде қамқорлық жасай отырып көңіл бөлу.
Дегенмен өзінің қайырымдылық жасағанын жарнамалаған Сәкен желі қолданушыларына жақпай қалды.
“Жасаған жақсылығыңды жариялауға болмайды. Неге істеген қайырымдылығын елге көрсетеді екен?! Түсінбеймін”, “Оны несіне мақтанып айтады. Жасаған болса Алла разы болсын. Бірақ оны жариялау артықтау болды” депті әлеуметтік желідегі сыншыл қауым.