Айыппұлдарды азайту туралы сұрағанда министр Қасымов тағы қырсығып қалды

30 просмотров

Бүгін Мәжілістегі Үкімет сағатында депутат Мұхтар Тінікеев жол ережесін бұзушылыққа қатысты айыппұлдардың сомасын төмендету туралы тағы да Ішкі істер министрі Қалмұханбет Қасымовқа сұрақ қойды.

— Өзіңіз білесіз, қарапайым халықтың тұрмыс-тіршілігі жақсара қойған жоқ. Барша халықтың жалақысы бірдей өскен жоқ, ал 1 қаңтардан бері АЕК көлемі өсті. Айыппұлдардың сомасын төмендету мәселесіне қайта оралу керек. Бұл мәселеге оралуға дайынсыз ба?

— деп сұрады министрден депутат.

Бірақ осы мәселеге келгенде қатып қалатын Қасымов тағы да қырсығып қалды.

— Айыппұл — жазалаудың бір түрі, біз жазаның деңгейін ереже бұзушының қалтасына қарап анықтамауымыз керек.

Халық қиналса — ережені бұзбасын. Біз ешкімнің қалтасына қарамауымыз керек, біз заңға қарауымыз керек.

Біздің негізгі көзқарасымыз осы. Айыппұлдарды өсіру туралы заңның қабылданғаны өте дұрыс болды деп есептейміз, заң қазір жұмыс істеп тұр,

— деді Қ.Қасымов.

19012015_10-47-15

Загрузка...