Қайрат Нұртас өзімен дуэт айтқысы келетіндерге ерекше байқау жариялады

220 просмотров

Танымал әнші Қайрат Нұртас ерекше байқау жариялады. Оның жеңімпазы әншімен бірге дуэтте ән орындауы мүмкін.

Бұл туралы 31 арнаның «Жұлдыздар жарқырайды» бағдарламасында айтылды.

Әнші Инстаграм парақшасы арқылы ән байқауларды жиі жариялайды. Жақында жариялаған сайысының шарты бойынша әншінің хит әндерін сезіммен, жүрекпен орындап шықса болғаны екен.

— Жеңімпаз менімен бірге караокеде ән салады, Алла басына бақ берсе менімен бірге дуэт айтып  үлкен сахналарға да шығуы мүмкін, – дейді Қайрат Нұртас.

Ал, арасынан суырылып шыққан өнерлілерін әнші өзінің продюсерлік орталығына да алуы мүмкін.

Байқау қыркүйек айының ортасынан дейін жалғасады. Қапы қалмаңыздар!  Айтпақшы, Қайраттың хит әндерін жас өнерпаздар елімізде ғана орындап жүрген жоқ. Көрші ел: Ресей, Әзірбайжан мен Белорусияда айтып жүргендер жетерлік екен. Тіпті, Ресейдің бір әншісі «Мүмкін емес» әнін орысша аударып оған «ты не со мной» деген атау беріп,  бейнебаян да түсіріп алыпты.

p1130629

Загрузка...