Қайрат Нұртас: «Назарбаевтың қолтаңбасын алғым келеді»

380 просмотров

Қостанайда қала күніне орай атақты қазақстандық әнші Қайрат Нұртастың жеке концерті қарсаңында баспасөз конференциясы өтті.  Әнші қостанайлықтарға алып келген «сыйын» бөлісіп, қызықты сұрақтарға жауап берді. 

Бұл туралы Alau.kz ақпарат порталы хабарлайды.

Қайрат Нұртастың айтуынша, ол Қостанай облысында болғанды ұнатады.

«Бұл менің Қостанайға бірінші рет келуім емес. Мен осында қуана-қуана келемін. Қостанай және Рудный қалаларының әкімдеріне осы мерекеге мені сыйлап, мені таңдап шақырғаны үшін алғысымды айтқым келеді. Үміттеріңізді ақтаймын деген сенімдемін. Әрине жаңалықтармен келемін, жаңа әндеріммен келемін. Өзімнің бишілеріммен келемін. Стадионда өзгеше өтеді, жанды дауыста және өзгеше стильдегі жаңа киіммен шығамын»

— деді әнші.

Баспасөз конференциясы кезінде журналистер Қайрат Нұртастан көптеген қазақстандықтар қолтаңба алғысы келетінін айтып, ал әншінің өзі кімнен қолтаңба алғысы келетінін сұраған.

«Нұрсұлтан Әбішұлы Назарбаевтан», — деп жауап берді әнші.

Загрузка...