“Кешью” тобының экс-солисі, қазір жеке дара өнер көрсетіп жүрген Айдана Меденованың қазақтың хас сұлуы десек артық айтпаспыз.
Оның Инстаграм парақшасына тіркелген қауымның саны миллионнан асып жығылады екен. Олар өздерінің сүйікті әншісінің өнері мен өмірін осылайша бақылап отырады. Айдананың қайда барғаны, қайда қыдырғаны, қандай тамақ жегені, қандай ән орындағаны жанкүйер назарынан тыс қалмайды.
Бұл жолы да солай болды. Айдананың жаңа шаш үлгісіне оның Инста парақшасына тіркелген жазылушылары оң баға беріпті. Тіпті арасында өлең арнап жібергендері де бар.
“Сұлусыз көзі мөлдір шаштарыда. Мың бұралған қиылған қастарыда. Қыста шыққан жалғыз гүл сіз болыңыз. Солдыра алмас солтүстіктің ызғарыда” депті әншінің сұлулығына тәнті болған тыңдарманының бірі.
Ал енді біреулер: “Сіз әлемдегі ең сұлу әншісіз” деген пікір білдірген.
Әрине, сын айтқандар да табылыпты. Кейбіреулер әншінің суретке түсе беретін қылығын жақтырмаған екен. “Сіздің бояусыз түріңізді көргіміз келеді”. “Жасанды кірпік тағудан шаршаған жоқсыз ба?” дейді бұл ретте әлеуметтік желідегі белсенді қауым.